UNESCO qeyri-maddi irsin mühafizə siyahılarına daxil edilməsi üçün müraciətlərə baxmağa başlayıb

UNESCO-nun Hökumətlərarası Komitəsi qeyri-maddi irsin mühafizə siyahılarına daxil edilməsi ilə bağlı 55 müraciətə baxmağa başlayıb.

NUHÇIXAN İnformasiya Agentliyinin məlumatına görə, bu barədə təşkilatın Parisdə yerləşən qərargahından bildirilib.

Təşkilatdan qeyd olunub ki, komitə üzvləri dekabrın 18-dək davam edəcək onlayn iclasda bu il siyahıya daxil olması ilə bağlı ümumilikdə 55 müraciətə baxacaqlar.

UNESCO-nun mətbuat xidməti ən çox - 45 müraciətin bəşəriyyətin Qeyri-Maddi Mədəni İrs üzrə Reprezentativ Siyahısına daxil edilməsi üçün təqdim edildiyini bildirib.