Naxçıvan Dövlət Kukla Teatrında uşaqlar üçün “Kələkbaz canavar” tamaşası göstərilir - FOTOLAR

NUHÇIXAN İnformasiya Agentliyi xəbər verir ki, Məmməd Tağı Sidqi adına Naxçıvan Dövlət Kukla Teatrı  Yeni ildə  “Kələkbaz canavar” tamaşası ilə uşaqları sevindirib.

Bir çox nağıl-pyeslərin əsas surəti olan canavar,  tülkü burada da hiyləgərliyi, xudpəsəndlik və riyakarlığı ilə seçilir. Tamaşanın dili sadə, maraqlı və cəlbedicidir. Tamaşada ilıq yumor və təbii gülüş olduğu üçün diqqəti cəlb edib. Teatrın aktyorlarının iştirakı ilə Keçi,  Dovşan, Canavar, Tülkü, Ayı,  Xoruz  surətləri və başqa alleqorik personajlar uşaqlar tərəfindən maraqla qarşılanıb.

Tamaşanın quruluşçu rejissoru və bədii rəhbəri  Azərbaycan Respublikasının Xalq artisti Şirzad Abutalıbov, rəssamı Naxçıvan Muxtar Respublikasının Əməkdar rəssamı Sabir Məmmədov, musiqi tərtibatçısı Əli Məmmədovdur.

Qeyd edək ki, tamaşada Şaxta baba və Qar qızın gəlişi  balacaları daha  çox sevindirib.

Yanvarın 1-dən başlayan tamaşa ayın 5-dək davam edəcək.

Hafizə Əliyeva