"Betmen" filminin qlobal gəliri 750 milyon dolları keçib
“Warner Bros” studiyasının hazırladığı və baş rolunu Robert Pattinsonun oynadığı "Betmen" filmi qlobal kassada ümumi 750 milyon dollar gəlir əldə edərək, ilin ən çox gəlir gətirən filmi adını daha da möhkəmləndirib.
NUHÇIXAN İnformasiya Agentliyi xəbər verir ki, Metta Rivzanın rejissorluğu ilə çəkilən film ABŞ və Kanadadan 365 milyon dollar, digər bazarlardan isə 386,1 milyon dollar qazanıb.
Filmin ilhamverici uğuru haqqında danışan “Warner Bros”un Daxili Distribyutorunun rəhbəri Jeff Goldstein qeyd edib ki, ölkə boyu kinoteatrlarda gördüyümüz inanılmaz reaksiya, bu ikonik superqəhrəmana olan marağın göstəricisidir. Bu mərhələyə töhfə verən hər kəsi təbrik edirik. "Betmen" bütün səviyyələrdə çıxış edir, dünyanın hər bir bazarında böyük bəyənmə və böyük izdiham toplayır. Biz filmlə fəxr edirik və onun hər yerdə tamaşaçılarda təəssürat yaratmağa davam etməsindən şadıq.
Qeyd edək ki, film bu gündən etibarən “HBO Max” platformasında yayımlanmağa başlayacaq.