Növbəti “Oskar” mükafatlandırma mərasiminin keçirilmə tarixi açıqlanıb

“Oskar” mükafatlandırma mərasiminin növbəti keçirilmə tarixi müəyyənləşib.

NUHÇIXAN İnformasiya Agentliyi TASS-a istinadla xəbər verir ki, növbəti 95-ci “Oskar” mükafatlandırma mərasimi gələn il martın 12-si keçiriləcək. Bu barədə Amerika Kino Sənəti Akademiyasının mətbuat xidməti məlumat yayıb.

Qeyd edək ki, mükafatlandırma mərasiminin ənənəvi olaraq Los-Ancelesdəki “Dolby” teatrında keçirilməsi planlaşdırılır. Kino sahəsinin ən nüfuzlu mükafatına namizədlər gələn il yanvarın 24-də açıqlanacaq. Mükafat 23 nominasiya üzrə veriləcək.