Azad edilmiş ərazilərdə abidələrin bərpası üçün "yol xəritəsi" hazırlanıb

Aşkar edilmiş abidələr dağıntıya məruz qalma nisbətlərinə və əhəmiyyətinə görə qruplaşdırılır. Bu qruplaşdırmadan sonra artıq həmin abidələrin bərpası üçün "yol xəritəsi" hazırlanmalıdır ki, biz də nazirlik səviyyəsində artıq bunu etmişik.

NUHÇIXAN İnformasiya Agentliyi xəbər verir ki, bunu jurnalistlərə açıqlamasında mədəniyyət naziri Anar Kərimov deyib.

Nazirin sözlərinə görə yalnız bundan sonra bərpa işləri planlı şəkildə inkişaf edə bilər: “Bu prosesdə bizə Heydər Əliyev Fondu, Şuşa Dövlət Qoruğu, Prezidentin işğaldan azad edilmiş ərazilərdəki xüsusi nümayəndəlikləri yaxından kömək edir", - deyə nazir vurğulayıb.