Silahlı Qüvvələr Günü münasibətilə konsert proqramı təşkil edilib - FOTOLAR
Naxçıvan Muxtar Respublikasında Azərbaycan Silahlı Qüvvələrinin yaradılmasının 104 illiyi müxtəlif tədbirlərlə qeyd olunub.
NUHÇIXAN İnformasiya Agentliyi xəbər verir ki, bu münasibətlə iyunun 26-da Naxçıvan şəhərində Naxçıvan Qarnizonu hərbi orkestrinin ifasında konsert proqramı təşkil edilib.
Heydər Əliyev Muzeyinin qarşısında hərbi orkestr marşlardan və Vətənə həsr olunmuş mahnılardan ibarət maraqlı konsert proqramı təqdim edib. 1 saatdan artıq davam edən konsert proqramı hərbi qulluçulara, onların ailə üzvlərinə, uşaq və gənclərə xoş ovqat bəxş edib.
Aygün Hüseynova