Milli Kitabxana “Hüseyn Cavid – 140” adlı elektron xülasə hazırlayıb
Azərbaycan ədəbiyyatı tarixində romantizm ədəbi cərəyanının ən qüdrətli nümayəndələrindən biri Hüseyn Cavidin anadan olmasının 140 illiyi münasibətilə M.F.Axundzadə adına Azərbaycan Milli Kitabxanasının əməkdaşları tərəfindən “Hüseyn Cavid – 140” adlı elektron xülasə hazırlanıb.
Kitabxanadan NUHÇIXAN İnformasiya Agentliyinə bildirilib ki, təqdim olunan xülasədə görkəmli dramaturqun həyatı və ədəbi-bədii yaradıcılığından bəhs edən, 2020-2022-ci illərdə ölkə ərazisində müxtəlif dövri nəşrlərdə dərc edilən məqalələr toplanıb.
Xülasənin hazırlanmasında məqsəd görkəmli ədibin həyatı, bizlərə miras qoyduğu əvəzsiz irsindən bəhs edən məqalələrlə geniş oxucu kütləsini tanış etməkdir. Elektron xülasədə məqalələr illər üzrə, daxildə isə əlifba düzülüşü ilə verilib.
Elektron xülasə ilə tanış olmaq istəyənlər http://anl.az/down/H.Cavid.pdf linkindən istifadə edə bilərlər.