Nobel mükafatının veriləcəyi tarixlər açıqlanıb

Bu il Nobel həftəsi 3-10 oktyabr tarixlərində Stokholm şəhərində baş tutacaq.

NUHÇIXAN İnformasiya Agentliyi mükafatın rəsmi saytına istinadən xəbər verir ki, ilk qalib oktyabrın 3-ü yerli saatla 11:30-da fiziologiya və ya tibb sahəsi üzrə elan ediləcək.

Oktyabrın 4-ü Fizika, 5-i Kimya, 7-si sülh, 10-u isə iqtisadiyyat üzrə xüsusi mükafatın qalibləri açıqlanacaq.

Ədəbiyyat üzrə Nobel mükafatının qalibi isə oktyabrın 6-da elan ediləcək.