Gənclər “Görünməyən qəhrəmanlar - Bizim torpaq” sənədli filmini izləyiblər - FOTOLAR
NUHÇIXAN İnformasiya Agentliyi xəbər verir ki, Naxçıvan şəhərindəki Gənclik Mərkəzində "Görünməyən qəhrəmanlar - Bizim torpaq” sənədli filmi nümayiş etdirilib.
Filmi izləyən ali və orta ixtisas təhsili müəssisələrinin tələbələri, Heydər Əliyev adına Hərbi Liseyin və Orta İxtisas Polis Məktəbinin kursantları Əlahiddə Ümumqoşun Ordunun xüsusi təyinatlılarının Vətən müharibəsində göstərdiyi şücaətinin bir daha şahidi olublar. Gənclər tarixi qələbənin qazanılmasında özünəməxsus rolu olan hərbi qulluqçuların Vətən müharibəsi zamanı iştirak etdiyi əməliyyatlar, əldə etdiyi uğurlar barədə məlumatları və şəxsi heyətin döyüş xatirələrini öyrənmək imkanı əldə ediblər.
Xatırladaq ki, real döyüş səhnələri və müharibə qəhrəmanlarının döyüş xatirələri əsasında hazırlanan sənədli filmin çəkilişlərinin bir hissəsi Naxçıvanda aparılıb.
Sevgili Mustafazadə