Muxtar respublikanın rayonlarında Müstəqilliyin Bərpası Günü qeyd edilib - FOTOLAR
Oktyabrın 18-də Müstəqilliyin Bərpası Günü münasibətilə muxtar respublikanın rayonlarında konsert proqramları təşkil edilib.
NUHÇIXAN İnformasiya Agentliyi xəbər verir ki, rayon mədəniyyət saraylarında keçirilən tədbirlərin aparıcıları bildiriblər ki, 44 günlük Vətən müharibəsindən sonra Azərbaycan xalqı bu bayramı ərazi bütövlüyünü bərpa etmiş qalib xalq kimi qeyd edir.
Çıxışlardan sonra rayon mədəniyyət saraylarının, folklor və incəsənət kollektivlərinin, eləcə də uşaq musiqi məktəblərinin şagirdləri konsert proqramı təqdim ediblər.
Konsert proqramlarında incəsənət kollektivlərinin ifasında mahnı və rəqs nümunələri iştirakçıların zövqünü oxşayıb, vətənpərvərlik ruhunda manhılara xüsusi yer verilib. Kollektivlərin ifasında milli rəqs nümunələrimiz, o cümlədən yallının ifası konsert proqramlarını daha da yaddaqalan edib.
Leyla Cəfərzadə