“Forbes”: Azərbaycan quşların inanılmaz müxtəlifliyinə malik ölkələrdəndir - FOTOLAR

Azərbaycan dünyanın quşların inanılmaz müxtəlifliyinə malik ölkələrdəndir.

NUHÇIXAN İnformasiya Agentliyinin məlumatına görə, bu, “Forbes”in ölkəmizin zəngin faunası barədə məqaləsində yer alıb.

Məqalədə qeyd olunur ki, Azərbaycanda səfərdə olarkən paytaxt Bakıya gələn qonaqlar ekssentrik müasir memarlıq, canlı bazarlar və tarixi divarlarla əhatə olunmuş şəhərlə rastlaşa bilərlər, lakin şəhərdən kənarda onları gözləyən və kəşf edilməli çoxlu sayda vəhşi heyvanlar var. Dağ keçiləri, çöl pişikləri və qonur ayılar məməlilərdən yalnız bir neçəsi olsa da, Azərbaycan həm də nadir növlərlə yaxından tanış olmaq üçün dünyanın hər yerində quşlarla bağlı araşdırma və müşahidə aparan təşkilatların ornitoloqları üçün xüsusi yerdir.

İsveçli beynəlxalq turizm və ornitoloq Tomas Aksen Haraldsson bildirib ki, Azərbaycan quşların inanılmaz müxtəlifliyə malik məkanlarından biridir. Bu ölkədə müxtəlif quş növləri var.

“Paytaxt Bakıdan avtomobillə saat yarım ərzində siz həm Böyük Qafqazın yüksək dağlıq ərazilərinə, həm də səhra çöllərinə, nəhəng bataqlıqlara, çiçəkli dağətəyi ərazilərə və sıx meşələrə çatacaqsınız. Hamısının öz cəlbedici quşları var və may ayında bir həftə ərzində 230-a qədər müxtəlif növ görmək olar, onların çoxunu başqa yerlərdə görmək çox çətindir”, - Tomas Aksen Haraldsson vurğulayıb.

Ölkədə aşkarlanan zəngin quş müxtəlifliyinə əlavə olaraq, Haraldsson həmçinin qeyd edib ki, Azərbaycan quşların yaşayış yerlərinin itirməsi səbəbindən Avrasiyanın, o cümlədən Qərbi Avropanın bəzi hissələrindən qovulmuş bu heyvan növlərinin müşahidəsi üçün xüsusilə əlverişli yerdir.

Bu bir neçə növdən başqa, Naxçıvan eksklavı kəklikləri və digər quşları görməyə imkan verir. Məqalədə qeyd edilir ki, bütövlükdə Qafqaz regionu xüsusən payızda endemiklərin vətənidir.