Azərbaycan “Qorqud Ata” Türk Dünyası Film Festivalında iştirak edəcək

Azərbaycan tərəfi noyabrın 1-də Türkiyənin Bursa şəhərində start götürəcək “Qorqud Ata” Türk Dünyası Film Festivalında geniş tərkibdə iştirak edəcək.

NUHÇIXAN İnformasiya Agentliyi təşkilat komitəsinə istinadla xəbər verir ki, festival çərçivəsində Azərbaycanın kino yaradıcılığında mühüm yeri olan “Həyat, deyəsən, gözəldir” və “Dalan” filmləri müsabiqələrdə iştirak edəcək. Bundan başqa, müsabiqədən kənar “Dəli Kür” (bərpa olunmuş versiya) və “Otel otağı” filmləri kinosevərlərin görüşündə olacaq.

“Qorqud Ata” Türk Dünyası Film Festivalında münsiflər heyətində Elxan Cəfərov və Mehriban Ələkbərzadə yer alırlar.

Festivalın bağlanış mərasimi noyabrın 5-də nəzərdə tutulub. Sonda qaliblər mükafatlandırılacaq.