“Teleskop” tamaşası Culfada nümayiş etdirilib - FOTOLAR

NUHÇIXAN İnformasiya Agentliyi xəbər verir ki, Naxçıvan Dövlət Milli Dram Teatrının kollektivi Culfa Rayon Mədəniyyət Sarayında Xalq yazıçısı Elçin Əfəndiyevin “Teleskop” əsəri əsasında hazırladığı tamaşanı təqdim edib.

Naxçıvan Dövlət Milli Dram Teatrının təcrübəli və gənc aktyorlardan ibarət kollektivinin təqdim etdiyi tamaşa ideya və səhnə həlli baxımından rayon ictimaiyyəti tərəfindən maraqla qarşılanıb.

Xalq yazıçısı Elçin Əfəndiyevin yüksək tirajlarla müxtəlif dillərə tərcümə olunan “Teleskop” tragikomediyasında insanın ölümü və bundan sonra baş verənlər təsvir edilir. Tamaşada hadisələr qeyri-real olanla real olanın müstəvisində təqdim olunur.

Rejissor tamaşa boyu gərgin, psixoloji məqamlarda sevinc və məyusluq, yaşamaq, yoxsa ölmək sualının cavabını tamaşaçıların ixtiyarına buraxır.

                                                                     Adilə Səfərova