“Heydər Əliyev İli” çərçivəsində konsert təşkil edilib - FOTOLAR

NUHÇIXAN İnformasiya Agentliyi xəbər verir ki, “Heydər Əliyev İli” çərçivəsində Naxçıvan Şəhər İcra Hakimiyyəti və Naxçıvan Şəhər Mədəniyyət İdarəsinin birgə təşkilatçılığı ilə konsert təşkil edilib.

Səfər Rəcəbov adına Naxçıvan Şəhər 3 nömrəli Uşaq Musiqi Məktəbində təşkil olunan tədbirdə məktəbin şagirdləri bir-birindən maraqlı və rəngarəng musiqi nömrələri ilə çıxış ediblər. Azərbaycan və dünya bəstəkarlarının əsərlərindən ibarət konsert proqramı maraqla qarşılanıb.

Tədbirdə Ümummilli Lider Heydər Əliyevin sevərək dinlədiyi və dahi rəhbərə həsr olunmuş mahnılar ifa olunub.