Türkiyədə Ayasofya məscidinin yenidən açılmasının üçüncü ildönümü qeyd olunur
İstanbuldakı tarixi Ayasofya bu gün məscid kimi fəaliyyətə başlamasının üçüncü ildönümünü qeyd edir.
NUHÇIXAN Anadolu agentliyinə istinadla xəbər verir ki, Ayasofya məscidində sübh namazına Türkiyənin Diyanət İşləri Baş İdarəsinin sədri Ali Erbaş imamlıq edib.
Ayasofyanın yenidən məscid kimi istifadəyə verilməsini həyatının ən xoşbəxt günlərindən biri adlandıran A.Erbaş bunun ən gözəl addım olduğunu dilə gətirib: “Ölkə başçımızın qərarı ilə üç il bundan əvvəl Ayasofya yenidən ibadət üçün açıldı. Bu vaxta qədər tarixi məkanı ümumilikdə 21 milyon insan ziyarət edib”.
Bu məkanın 1453-cü ildə İstanbulu fəth edən Osmanlı sultanı Fateh Sultan Mehmetdən miras qaldığını və İstanbulun ən əhəmiyyətli simvolu olduğunu vurğulayan A.Erbaş milyonlarla insanın qiyamətə qədər Ayasofyada ibadət etməsini arzuladığını qeyd edib.