Bu il Şuşaya səfər etmiş turistlərin sayı açıqlanıb
2023-cü ildə Şuşa şəhərinə 1 000-dən çox turistin səfəri və gecələməsi təşkil olunub.
NUHÇIXAN-ın məlumatına görə, bunu Dövlət Turizm Agentliyinin Mədəni irs və regional turizm şöbəsinin Regional turizmin idarə edilməsi sektorunun müdiri Elgün Cavadov Ağdam şəhərində keçirilən “İşğaldan azad olunmuş ərazilərdə turizmin bərpası və inkişafı” mövzusunda elmi-praktiki konfransda bildirib.
"Gələcəkdə Şuşaya səfər edəcək turistlərin sayında artım gözlənilir. Şəhərdə və ətraf ərazilərdə turizm infrastrukturu tam hazır olandan sonra yerli turistlər üçün imkanlar artırılacaq", - deyə o qeyd edib.