“N-Telekom” və “Naxçıvanpoçt"un təşkilati-hüquqi formaları dəyişdiriləcək

Naxçıvan Muxtar Respublikasının Rəqəmsal İnkişaf və Nəqliyyat Nazirliyinin tabeliyində fəaliyyət göstərən “N-Telekom” və “Naxçıvanpoçt” publik hüquqi şəxsləri yenidən təşkil ediləcək.

NUHÇIXAN-ın məlumatına görə, bununla bağlı Naxçıvan Ali Məclisi sədrinin I müavini Bəxtiyar Məmmədov fərman imzalayıb.

Fərmana əsasən, adı çəkilən qurumlar eyni adlı MMC-lərə çevriləcək. Yenidən təşkil edilmə ilə bağlı ümumi yığıncaq səlahiyyətləri aidiyyəti qurumlar arasında bölüşdürülüb. Təyinatlar, struktur, maliyyə məsələləri və inkişaf istiqamətləri ilə bağlı qərarlar müvafiq razılaşmalarla həyata keçiriləcək.