Şahbuz Rayon Dövlət Arxivi üçün hərtərəfli iş şəraiti yaradılıb
Muxtar respublikamızda arxiv işinin təşkilinə xüsusi diqqət yetirilir. Həyata keçirilən tədbirlər nəticəsində bu sahənin maddi-texniki bazası möhkəmləndirilib.
NUHÇIXAN xəbər verir ki, yanvarın 30-da Naxçıvan Muxtar Respublikası Ali Məclisinin Sədri Vasif Talıbov Şahbuz Rayon Dövlət Arxivi üçün yaradılan şəraitlə tanış olub.
Məlumat verilib ki, Şahbuz Rayon Dövlət Arxivi üçün iş otağı və fond istifadəyə verilib, kompüter qoyulub. Fondda havalandırma sistemi quraşdırılıb. Sənədlər ayrı-ayrı rəflərdə cəmləşdirilib, onların təsnifatı və arxiv fondu daxilində qruplaşdırılması işləri aparılıb.
Ali Məclisin Sədri arxiv sənədlərindən düzgün istifadə və bu sahədə fəaliyyətin təkmilləşdirilməsi ilə bağlı tapşırıqlar verib.