“Naxçıvan Diaqnostika-Müalicə Mərkəzi” publik hüquqi şəxsə çevrildi - SƏRƏNCAM
Naxçıvan Muxtar Respublikası Ali Məclisinin Sədri Vasif Talıbov mayın 24-də Naxçıvan Muxtar Respublikasının Diaqnostika –Müalicə Mərkəzinə publik hüquqi şəxs statusu verilməsi ilə bağlı sərəncam imzalayıb.
NUHÇIXAN-nın məlumatına görə, sərəncamda deyilir:
“Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:
1.Naxçıvan Muxtar Respublikasının Diaqnostika-Müalicə Mərkəzinə publik hüquqi şəxs statusu verilsin.
2.Naxçıvan Muxtar Respublikasının Nazirlər Kabineti bu Sərəncamın 1-ci hissəsində nəzərdə tutulan publik hüquqi şəxsin nizamnaməsini təsdiq etsin.
3.Naxçıvan Muxtar Respublikasının Səhiyyə Nazirliyi, Maliyyə Nazirliyi və Vergilər Nazirliyi bu Sərəncamdan irəli gələn məsələləri həll etsinlər
4.Bu Sərəncam 2018-ci il iyunun 1-dən qüvvəyə minir”.