“Publik hüquqi şəxslər haqqında” qanunda dəyişikliklər edilib

A- A A+

Prezident İlham Əliyev “Publik hüquqi şəxslər haqqında” qanunda dəyişikliklər edilməsi barədə qanunu imzalayıb.

NUHÇIXAN xəbər verir ki, sənədə əsasən, həmin qanuna aşağıdakı dəyişikliklər edilib:

"1. 2.2-ci maddədən “və ya publik hüquqi şəxs tərəfindən” sözləri çıxarılsın.

2. 3.2-ci maddədə “tutulmuş” sözü “tutulduğu” sözü ilə əvəz edilsin.

3. 4.1-ci və 6.3-cü maddələrdə “orqanı” sözü “orqanının müəyyən etdiyi orqan (qurum)” sözləri ilə əvəz edilsin.

4. 4.2-ci maddə ləğv edilsin.

5. 4.4-cü maddəyə aşağıdakı məzmunda ikinci cümlə əlavə edilsin:

“Müvafiq icra hakimiyyəti orqanı tərəfindən yaradılan publik hüquqi şəxsin dövlət qeydiyyatı onun idarəetmə orqanlarının üzvləri tam tərkibdə təyin edilmədiyi halda da həyata keçirilir.”.

6. 6.2.3-cü maddə aşağıdakı redaksiyada verilsin:

“6.2.3. fəaliyyətin istiqamətləri, hüquq və vəzifələri;”.

7. 6.2.8-ci maddəyə “təsərrüfat” sözündən əvvəl “sahibkarlıq fəaliyyəti ilə məşğul olmaq,” sözləri əlavə edilsin.

8. 8.2.1-ci, 8.2.2-ci və 8.2.4-cü maddələr aşağıdakı redaksiyada verilsin:

“8.2.1. nizamnamənin təsdiq olunması və nizamnamə fondunun miqdarının müəyyən edilməsi, onların dəyişdirilməsi;

8.2.2. idarəetmə orqanlarının yaradılması;

8.2.4. strukturun, işçilərin say həddinin və əməkhaqlarının (o cümlədən əməkhaqqına əlavələrin, mükafatların və digər ödənişlərin) təsdiqi;”.

9. Aşağıdakı məzmunda 8.2.2-1-ci maddə əlavə edilsin:

“8.2.2-1. idarəetmə orqanlarının rəhbərlərinin (üzvlərinin) vəzifəyə təyin və vəzifədən azad edilməsi;”.

10. 8.2.6-cı maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 8.2.7-ci və 8.2.8-ci maddələr əlavə edilsin:

“8.2.7. bu Qanunun 3.3-cü maddəsində nəzərdə tutulmuş qərarın qəbul edilməsi;

8.2.8. publik hüquqi şəxsin yenidən təşkili və ləğv edilməsi.”.

11. 8.3-cü maddə aşağıdakı redaksiyada verilsin:

“8.3. Publik hüquqi şəxsin təsisçisi bu Qanunun 8.2-ci maddəsində qeyd edilən səlahiyyətlərinin (onların bir hissəsinin) həyata keçirilməsini müəyyən etdiyi orqana (quruma, o cümlədən publik hüquqi şəxsin özünə) verə bilər.”.

12. 8.4-cü maddədə “rəhbər” sözü “idarəetmə orqanlarının rəhbərləri (üzvləri)” sözləri ilə, “verməlidir” sözü “verməlidirlər” sözü ilə əvəz edilsin.

13. 8.5-ci maddədən “rəhbərin” sözü çıxarılsın".

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: