Prezident Daxili Qoşunların “Naxçıvan” Əlahiddə Əməliyyat Briqadasının hərbi qulluqçularını təltif edib - SƏRƏNCAM
Prezident İlham Əliyev martın 12-də Azərbaycan Respublikası Daxili İşlər Nazirliyinin Daxili Qoşunları hərbi qulluqçularının təltif edilməsi haqqında Sərəncam imzalayıb.
NUHÇIXAN İnformasiya Agentliyi xəbər verir ki, təltif olunanlar arasında Daxili Qoşunların “Naxçıvan” Əlahiddə Əməliyyat Briqadasının da hərbi qulluqçuları vardır.
Prezidentin Sərəncamı ilə kapitan Tağıyev Arzuman Nadir oğlu və baş leytenant Qurbanov Elçin Yaşar oğlu “Hərbi xidmətlərə görə” medalı ilə təltif ediliblər.
Qeyd edək ki, həmin şəxslər xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə təltif ediliblər.