Prezident Naxçıvanda xidmət edən hərbi qulluqçuları təltif edib - SƏRƏNCAM
Prezident İlham Əliyevin iyunun 24-dəki Sərəncamları ilə Azərbaycan Respublikası Müdafiə Nazirliyinin bir qrup hərbi qulluqçusu Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə 3-cü dərəcəli “Vətənə xidmətə görə” ordeni, “Vətən uğrunda”, “İgidliyə görə”, “Hərbi xidmətlərə görə” medalları ilə, Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etdiklərinə və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiklərinə görə “Vətən uğrunda” medalı ilə, Azərbaycan Respublikası ərazilərinin işğaldan azad olunması zamanı döyüş tapşırıqlarını yerinə yetirərkən şəxsi mərdlik və igidlik göstərdiklərinə görə “İgidliyə görə” medalı ilə, Azərbaycan Respublikası ərazilərinin işğaldan azad olunması zamanı döyüş tapşırıqlarını uğurla yerinə yetirdiklərinə, düşmənin əsas qruplaşmalarını və texnikasını məhv etməklə qoşunlarımızın döyüş qabiliyyətinin qorunub saxlanılmasında fərqləndiklərinə görə “Cəsur döyüşçü” medalı ilə, Azərbaycan Respublikası ərazilərinin işğaldan azad olunması zamanı döyüş tapşırıqlarını yerinə yetirərkən cəsarət və fədakarlıq göstərdiklərinə, habelə təşəbbüskar və qətiyyətli hərəkətlər nümayiş etdirdiklərinə görə “Döyüşdə fərqlənməyə görə” medalı ilə təltif ediliblər.
NUHÇIXAN İnformasiya Agentliyi xəbər verir ki, təltif olunanlar arasında Naxçıvan Əlahiddə Ümumqoşun Ordunun hərbi qulluqçuları da var.
Prezidentin Sərəncamı ilə polkovnik İbrahimov Fərhad Azər oğlu 3-cü dərəcəli “Vətənə xidmətə görə” ordeni ilə, polkovnik-leytenant Bodurov Tərlan Qurban oğlu “Vətən uğrunda” medalı ilə, polkovnik-leytenant Allahverdiyev Rafiq Süleyman oğlu və mayor Sədirov Əsəd Əliağa oğlu “İgidliyə görə” medalı ilə, polkovnik Əhmədov Nəsib Vaqif oğlu və polkovnik-leytenant Zeynalov Kamran Bəhman oğlu “Hərbi xidmətlərə görə” medalı ilə, baş leytenant İlyasov Mikayıl Cahangir oğlu, əsgər Hüseynov Elçin Mehdi oğlu və əsgər Süleymanov Məhərrəm Kərəm oğlu “Vətən uğrunda” medalı ilə, baş leytenant Bədəlov Ağababa Əfsərağa oğlu “İgidliyə görə” medalı ilə, əsgər Cəfərov Qurban Telman oğlu, əsgər Eyvazov Mürvət Firuz oğlu və əsgər Məmmədzadə Bilal Fuad oğlu “Cəsur döyüşçü” medalı ilə, əsgər Allahyarov Elşən Ələsgər oğlu, əsgər Cəfərov Afiyəddin Cəmaləddin oğlu, əsgər Cəfərzadə Naim Məmməd oğlu, əsgər Dünyamalıyev Uğur Müşviq oğlu, əsgər Əmoyev Kamal Rafiq oğlu, əsgər Heydərov Anar Əli oğlu, əsgər Hüseynov Kamandar Məzahir oğlu, əsgər Qurbanov Nail Yaşar oğlu, əsgər Məhərrəmov Namiq Heydər oğlu, əsgər Novruzov Əjdər Bəxtiyar oğlu və əsgər Seyidli Mirorxan Miryaqub oğlu “Döyüşdə fərqlənməyə görə” medalı ilə təltif ediliblər.