Naxçıvanın kənd təsərrüfatı işçiləri təltif edilib - SƏRƏNCAM
Prezident İlham Əliyev oktyabrın 30-da Azərbaycan Respublikasında kənd təsərrüfatının inkişafında xidmətləri olan bir qrup şəxsin təltif edilməsi haqqında Sərəncam imzalayıb.
NUHÇIXAN İnformasiya Agentliyi xəbər verir ki, təltif edilənlər arasında Naxçıvan Muxtar Respublikasının kənd təsərrüfatı sahəsində çalışanlar da vardır.
Prezidentin Sərəncamı ilə İmanova Səhər İman qızı və Novruzov İlqar Əsgər oğlu 3-cü dərəcəli “Əmək” ordeni ilə, İsayev Niyamət İsa oğlu, Quliyev Yaşar Hacı oğlu və Rüstəmov Bəybala Nəriman oğlu isə “Tərəqqi” medalı ilə təltif ediliblər.
Qeyd edək ki, həmin şəxslər Azərbaycan Respublikasında kənd təsərrüfatının inkişafında xidmətlərinə görə təltif ediliblər.