Naxçıvan Əlahiddə Ümumqoşun Ordunun şəhid olan hərbi qulluqçuları təltif edilib - SƏRƏNCAM
Prezident İlham Əliyev noyabrın 5-də Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Sərəncam imzalayıb.
NUHÇIXAN İnformasiya Agentliyi xəbər verir ki, təltif edilənlər arasında Naxçıvan Əlahiddə Ümumqoşun Ordunun şəhid olan hərbi qulluqçuları da vardır.
Prezidentin Sərəncamı ilə baş leytenant Sadıqlı Məmmədhəsən Meydan oğlu "Azərbaycan Bayrağı” ordeni ilə, gizir İsmayılov Əmrah Xudaverdi oğlu isə "Şuşanın azad olunmasına görə” medalı ilə təltif ediliblər.
Qeyd edək ki, təltif edilən şəhid hərbi qulluqçular Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərdiklərinə, hərbi hissə qarşısında qoyulan tapşırıqların icrası zamanı vəzifə borclarını şərəflə yerinə yetirdiklərinə görə təltif ediliblər.