Naxçıvan Muxtar Respublikası Dövlət Energetika Xidmətinin əməkdaşları təltif olunub - SƏRƏNCAM
Prezident İlham Əliyev oktyabrın 22-də Azərbaycan energetiklərinin təltif edilməsi haqqında Sərəncam imzalayıb.
NUHÇIXAN İnformasiya Agentliyinin məlumatına görə, təltif edilənlər arasında Naxçıvan Muxtar Respublikası Dövlət Energetika Xidmətinin əməkdaşları da vardır.
Prezidentin Sərəncamı ilə Cəfərov Təvəkkül Elbəyi oğlu, Rzayev Ramazan Qüdrət oğlu və Tağıyev Mübariz Sabir oğlu "Tərəqqi” medalı ilə təltif ediliblər.
Qeyd edək ki, həmin şəxslər Azərbaycanda energetika sahəsinin inkişafında səmərəli fəaliyyətlərinə görə təltif ediliblər.