Culfa və Ordubad Rayon Mərkəzi Xəstəxanaları müasir tibbi avadanlıqlarla təmin olunub - FOTOLAR

NUHÇIXAN xəbər verir ki, "Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nın icrası istiqamətində Naxçıvan Muxtar Respublikasında hemodializ xidmətlərinin təkmilləşdirilməsi məqsədilə Culfa Regional Tibb Mərkəzinin tabeçiliyində fəaliyyət göstərən Culfa Rayon Mərkəzi Xəstəxanası və Ordubad Rayon Mərkəzi Xəstəxanası müasir tibbi avadanlıqlarla təmin olunub.

Xəstələrin müalicə prosesinin daha rahat və effektiv təşkili məqsədilə xəstəxanalara yeni hemodializ cihazları və hemodializ kresloları təhvil verilib.

Təqdimat prosesində iştirak edən Naxçıvan Muxtar Respublikasının səhiyyə naziri Samiq Sadıxov bu addımın bölgədə hemodializ xidmətlərinin keyfiyyətinin yüksəldilməsinə və vətəndaşlara göstərilən tibbi xidmətin əlçatanlığının artırılmasına xidmət etdiyini bildirib.