Baş infeksionist: “COVID-19-un fəsilliyinin olması barədə dəqiq məlumat yoxdur”
“Hətta havanın temperaturunun 25 dərəcədən yüksək olması belə virusun yayılmasının qarşısını almır”.
NUHÇIXAN İnformasiya Agentliyi xəbər verir ki, bunu Səhiyyə Nazirliyinin baş infeksionisti Təyyar Eyvazov deyib.
O bildirib ki, infeksiyanın yayılmasının əsas səbəblərdən biri insanların yaxın təmasda olmasıdır: “COVID-19-un fəsilliyinin olması barədə dəqiq məlumat yoxdur”.
Baş infeksionist qeyd edib ki, qapalı məkanlarda, havalandırma olmayan yerlərdə bir nəfərin xəstə olması daha çox insanın virusa yoluxmasına səbəb olur. O bildirib ki, qış aylarında insanlar daha çox qapalı yerlərdə olduqların üçün yoluxmalar çox olur: “Yay aylarında isə havalandırma olduğu üçün yoluxanların sayı da az olur”.