Britaniyalı alim daha öldürücü pandemiya riski barədə xəbərdarlıq edib

268

Növbəti pandemiya COVID-19-a nisbətən daha öldürücü ola bilər.

NUHÇIXAN İnformasiya Agentliyi Sky News telekanalına istinadla xəbər verir ki, bu barədə AstraZeneca vaksininin yaradıcılarından biri olan britaniyalı alim Sara Gilbert xəbərdarlıq edib.

“Bu, sonuncu dəfə deyil ki, virus bizim həyatımızı və mövcudluq vasitələrimizi təhdid edir. Həqiqət ondan ibarətdir ki, növbəti pandemiya daha pis ola bilər. Daha yoluxucu və daha çox öldürücü ola bilər”, - deyə Sara Gilbert bildirib.

O, həmçinin koronavirusun yeni “omikron” ştamı haqqında da danışıb. Alimin sözlərinə görə, bu variantın sünbül proteini virusun yoluxuculuq qabiliyyətini artırır. Amma baş verən əlavə dəyişikliklər də var ki, bu səbəbdən istehsal olunmuş vaksinlər “omkrona” qarşı daha az effektiv ola bilər.

Gilbert koronavirusun yeni ştamına dair yetərincə informasiya əldə edilənə qədər ehtiyatlı olmağa çağırıb.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: