Azərbaycanda son sutkada peyvənd olunanların sayı açıqlanıb
Azərbaycanda son sutkada koronavirus əleyhinə 10 095 vaksin vurulub.
Bu barədə NUHÇIXAN İnformasiya Agentliyinə Nazirlər Kabineti yanında Operativ Qərargahdan bildirilib.
Məlumata görə, son gün ərzində birinci mərhələ üzrə vaksinasiya olunanların sayı 602, ikinci mərhələ üzrə vaksinasiya edilənlərin sayı 1 279, 3 və daha çox doza üzrə vaksinasiya olunanların sayı 7 607, pozitiv nəticədən sonra buster doza üzrə vaksinasiya olunanların sayı isə 607 nəfərdir.
Azərbaycanda bu günə qədər vurulan vaksinlərin ümumi sayı 13 405 920, birinci doza peyvəndlərin ümumi sayı 5 321 389, ikinci doza vaksinlərin sayı 4 818 792 təşkil edib. Üç və daha çox doza vaksinlərin sayı 3 039 383, pozitiv nəticədən sonra “buster” doza vaksinlərin sayı isə 226 356 olub.