Naxçıvanda uşaqların kütləvi dispanserizasiyasına başlanılıb - FOTOLAR

NUHÇIXAN xəbər verir ki, muxtar respublikanın orta məktəb və məktəbəqədər uşaq müəssisələrində “İnsan Hüquqları Aylığı” çərçivəsində uşaqların kütləvi dispanserizasiyasına başlanılıb.

8 müxtəlif  ixtisaslı həkim briqadasının apardığı müayinə Naxçıvan şəhər 3 nömrəli tam orta məktəbində aparılıb. Həmçinin bu gündən məktəblərdə  profilaktiki flüoqrafiya müayinələrinə də  başlanılıb.

Qeyd edək ki, bu humanist tədbir bir ay davam edəcək. Və bu qayğıdan Naxçıvan şəhərində yerləşən 21 məktəbdə təhsil alan 15 mindən çox şagird yararlanacaq.