Türkiyənin “Haber Global” telekanalında Fransanın Qafqazda dağıdıcı siyasəti müzakirə olunub - VİDEO

Türkiyənin “Haber Global” telekanalında Fransanın regionda dağıdıcı siyasət həyata keçirmək planı, eləcə də Ermənistanı silahlandırma siyasəti müzakirə olunub.

NUHÇIXAN xəbər verir ki, müzakirələrdə Prezident İlham Əliyevin fevralın 1-də Parlamentlərarası İttifaqın Baş katibi Martin Çunqonqu qəbul edərkən səsləndirdiyi fikirlərdən sitat gətirilib.

Bildirilib ki, 30 il ərzində ATƏT-in keçmiş Minsk qrupunun həmsədri kimi heç bir həllə nail ola bilməyən Fransa bu dəfə də regionda savaş çıxarmağa çalışır.

Verilişdə, həmçinin Azərbaycan nümayəndə heyətinin Avropa Şurası Parlament Assambleyasını qeyri-müəyyən müddətə tərk etməsi məsələsinə də toxunulub. Bundan başqa, korsikalıların müstəqillik tələblərindən bəhs edilib.

Xatırladaq ki, Parlamentlərarası İttifaqın Baş katibi Martin Çunqonqu qəbul edərkən Fransanın regionda dağıdıcı siyasət həyata keçirərək od üstünə benzin tökmək prinsipindən çıxış etdiyini, Ermənistanın militarizasiya siyasəti apardığını, geosiyasi intriqaların təşəbbüskarı olduğunu deyən Prezident İlham Əliyev rəsmi Parisin regionda vəziyyətin gərginləşməsinin səbəbkarı olduğunu, müxtəlif beynəlxalq təşkilatlarda və parlament müstəvilərində anti-Azərbaycan siyasət yürütdüyünü də diqqətə çatdırıb. Dövlətimizin başçısı Fransanın Cənubi Qafqaz regionunda aparıcı mövqeyə nail olmaq və nüfuzunu gücləndirmək məqsədilə siyasət yürütdüyünü, lakin onların bu istiqamətdəki cəhdlərinin əbəs olduğunu vurğulayıb.

"Haber Global” telekanalının "Fransa qanunu unutdu! Müstəqillik tələbinə həbs qərarı" adlı süjetini təqdim edirik: