XİN: Azərbaycan Tayvanın müstəqilliyini tanımır
Azərbaycan "vahid Çin" siyasətini dəstəkləyir.
NUHÇIXAN xəbər verir ki, bunu Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə Tayvanda seçkilərdə qalib gəlmiş şəxsin vəzifəsinin icrasına başlaması ilə bağlı medianın sualını cavablandırarkən deyib.
"Cari ilin 13 yanvar tarixində Xarici İşlər Nazirliyinin açıqlamasında qeyd edildiyi kimi, Azərbaycan Respublikası “vahid Çin” siyasətini dəstəkləyir və Azərbaycan Tayvanın müstəqilliyini tanımır", - deyə o qeyd edib.