Azərbaycan səfiri Rusiya XİN başçısının müavini ilə görüşüb
Azərbaycanın Rusiyadakı səfiri Rəhman Mustafayev Rusiyanın xarici işlər nazirinin müavini Sergey Ryabkovla görüşüb.
NUHÇIXAN xəbər verir ki, bu barədə Rusiyanın Xarici İşlər Nazirliyinin mətbuat xidməti bildirib.
“Noyabrın 6-da Rusiya Federasiyasının xarici işlər nazirinin müavini S.A.Ryabkov Rusiyadakı Azərbaycan səfiri R.S.Mustafayevlə görüşüb. Görüş zamanı qarşılıqlı maraq doğuran beynəlxalq gündəmin bəzi aktual aspektləri barədə fikir mübadiləsi aparılıb”, – xarici siyasət idarəsinin məlumatında diqqətə çatdırılıb.
Xatırladaq ki, noyabrın 5-də səfir R.Mustafayev etimadnaməsini Rusiya Prezidenti Vladimir Putinə təqdim edib.