Fuad Nəcəfli: Dövlət Proqramında nəzərdə tutulan layihələr 2025-ci ildən sürətlə icra ediləcək - VİDEO
NUHÇIXAN xəbər verir ki, bu barədə COP29-un açılışında iştirak edən Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli jurnalistlərin suallarını cavablandırarkən deyib.
Səlahiyyətli nümayəndə bildirib ki, "2023–2024-cü illər üzrə Təfsilatlı Tədbirlər Planı”nda nəzərdə tutulan işlər əsasən yerinə yetirilib, 2025-ci ildən isə proqamın icrası yeni mərhələdə davam etdiriləcək.
Qeyd edək ki, Prezident İlham Əliyev "Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nın təsdiq edilməsi haqqında sərəncam imzalayıb. Proqramın icrası çərçivəsində Naxçıvanda mühüm tikinti-quruculuq, enerji, nəqliyyat-kommunikasiya, iqtisadiyyat, kənd təsərrüfatı, su təminatı və digər sahələrdə bir sıra böyük layihələr reallaşdırılacaq.