Rusiya Azərbaycan və Ermənistanın ATƏT-in Minsk qrupunun buraxılması qərarını dəstəkləyib

Rusiya Azərbaycan və Ermənistanın ATƏT-in Minsk qrupunun buraxılması ilə bağlı qərarını dəstəkləyib. Strukturun yekun ləğvi 2025-ci ilin dekabrına qədər gözlənilir.

NUHÇIXAN xəbər verir ki, bunu Rusiyanın ATƏT-dəki daimi nümayəndəsi Aleksandr Lukaşeviç deyib. Onun sözlərinə görə, onun fəaliyyətinin dayandırılması üç quruma - Minsk Qrupuna, ATƏT-in fəaliyyətdə olan sədrinin şəxsi nümayəndəsinin vəzifəsinə və yüksəksəviyyəli planlaşdırma qrupuna təsir edəcək.

O qeyd edib ki, tərəflərin onların saxlanmasının məqsədəuyğun olmaması ilə bağlı mövqeyini nəzərə alaraq, Rusiya buraxılmanın qarşısını alınması üçün heç bir əsas görmür.