Papoyan İstanbulda Azərbaycanın kənd təsərrüfatı naziri ilə görüşüb
Ermənistanın iqtisadiyyat naziri Gevork Papoyan noyabrın 28-də İstanbulda (Türkiyə) keçirilən "Zero Waste Forum" ümumdünya konfransı çərçivəsində Azərbaycanın kənd təsərrüfatı naziri Məcnun Məmmədovla qısa söhbət aparıb.
NUHÇIXAN-ın məlumatına görə, bu barədə Papoyan sosial şəbəkələrdə yazıb.
Tədbir zamanı o, həmçinin Türkiyə, İran, Moldova və İraqın kənd təsərrüfatı nazirləri ilə qısa söhbətlər edib.
O vurğulayıb ki, konfransda kənd təsərrüfatı sektorunu koordinasiya edən iyirmiyə yaxın nazir, həmçinin digər yüksək vəzifəli məmurlar və siyasətçilər qlobal səviyyədə "sıfır tullantı" ideyasını təşviq etmək məqsədilə iştirak ediblər.