Alman internet-portalında Azərbaycanın 10 milyonuncu sakininin dünyaya gəlməsi barədə xəbər yerləşdirilib
NUHÇIXAN xəbər verir ki, Almaniyanın “Berliner Press” internet-nəşri Azərbaycanın 10 milyonuncu sakininin dünyaya gəlməsi barədə AZƏRTAC-ın xəbərini yerləşdirib. Materialda 2019-cu il aprelin 6-da saat 03:30-da Bakıda Azərbaycan vətəndaşının ailəsində qız uşağının dünyaya gəlməsindən bəhs edilir, körpənin boyu və çəkisi haqqında məlumat verilir. Bildirilir ki, Azərbaycan Prezidenti İlham Əliyev və birinci xanım Mehriban Əliyeva ölkənin 10 milyonuncu sakininin xoşbəxt valideynlərini təbrik ediblər.