İrakli Kobaxidze: Gürcüstan bu gün Azərbaycanla misilsiz əlaqələrə malikdir

Gürcüstan hökuməti regionda münasibətləri dərinləşdirmək və genişləndirmək üçün əlindən gələni edir. Bu gün bizim Azərbaycan, Türkiyə və Ermənistan ilə siyasi, iqtisadi və digər sahələrdə misilsiz əlaqələrimiz var.

NUHÇIXAN xəbər verir ki, bu sözləri Gürcüstanın Baş naziri İrakli Kobaxidze “Rustavi 2” televiziya kanalında çıxışı zamanı deyib.

“Çinlə strateji tərəfdaşlığımız var ki, bu da iqtisadi baxımdan da vacibdir. Bizim Yaxın Şərq ölkələri ilə çox sıx münasibətlərimiz var, bu siyasəti davam etdirməliyik. Bu gün formalaşmış tendensiyanı mümkün qədər qorumalıyıq”, - deyə Baş nazir əlavə edib.