Azərbaycan hava məkanında çox yüngül uçuş aparatları ilə bağlı hüquqi baza yaradılır
Azərbaycanda çox yüngül uçuş aparatlarının hava məkanından istifadə və uçuş qaydalarını müvafiq icra hakimiyyəti orqanının müəyyən etdiyi qurum tənzimləyəcək.
NUHÇIXAN xəbər verir ki, bununla bağlı "Aviasiya haqqında" qanuna dəyişiklik təklif edilir.
Qanun layihəsi Milli Məclisin İqtisadi siyasət, sənaye və sahibkarlıq komitəsinin bugünkü iclasında müzakirəyə çıxarılıb.
Belə ki, layihə "Çox yüngül uçuş aparatlarının hava məkanından istifadə və uçuş qaydaları"nın qəbul edilməsinin hüquqi əsasının yaradılması məqsədilə hazırlanıb.