Ərdoğan Bakının işğaldan azad edilməsinin ildönümü ilə əlaqədar Azərbaycanı təbrik edib
Türkiyə Prezidenti Rəcəb Tayyib Ərdoğan Bakının düşmən işğalından azad edilməsinin 108-ci ildönümü ilə əlaqədar Azərbaycanı təbrik edib.
NUHÇIXAN xəbər verir ki, bu barədə Türkiyə liderinin sosial media hesablarında paylaşılıb.
"Dostumuz və qardaşımız olan Azərbaycanın paytaxtı Bakının düşmən işğalından xilas olmasının ildönümünü təbrik edir, Qafqaz İslam Ordusunun komandanı Nuri Killigil Paşanı və onun qəhrəman əsgərlərini rəhmətlə yad edirəm", - paylaşımda vurğulanıb.