“Artilleriya atəşinin ustaları” müsabiqəsində komandamızın birinci heyəti uğur qazanıb - FOTOLAR
“Beynəlxalq Ordu Oyunları-2019” yarışları çərçivəsində Qazaxıstanda keçirilən “Artilleriya atəşinin ustaları” müsabiqəsində iştirak edən Azərbaycan komandası yarışlarda inamla mübarizə aparır.
Müdafiə Nazirliyinin mətbuat xidmətindən NUHÇIXAN-a bildiriblər ki, ötən gün keçirilən mərhələdə artilleriyaçılarımızın birinci heyəti bacarığını nümayiş etdirib. Gecə və gündüz atışlarında iştirak edən birinci heyətimiz hakimlərin qərarına əsasən 12 komanda arasında üçüncü yerə layiq görülüb.