“TurAz Qartalı - 2019” təlimlərində iştirak edəcək Türkiyə heyətinin növbəti qrupu Azərbaycana gəlib - FOTOLAR
“TurAz Qartalı - 2019” birgə taktiki-uçuş təlimlərində iştirak etmək üçün Türkiyə heyətinin növbəti qrupu Azərbaycana gəlib.
Müdafiə Nazirliyinin mətbuat xidmətindən NUHÇIXAN-a bildiriblər ki, sentyabrın 2-dən 16-dək keçiriləcək təlimlərdə “MiQ-29”, “F-16”, “Su-25”, P-235 “Kasa” təyyarələri, “Mi-35”, “Mi-17, “Sikorski” UH-70, CH-47 “Çinok” və ATAK/AH-1W helikopterlərindən ibarət 30-dək aviasiya vasitəsi iştirak edəcək.