Türkiyə Ermənistanın işğalçılıq siyasətini növbəti dəfə qınayıb
Türkiyə tərəfi təcavüzkar Ermənistanın Azərbaycana qarşı davam etdirdiyi işğalçılıq siyasətinə qarşı bir daha qətiyyətli etirazını ifadə edib.
NUHÇIXAN Türkiyə Xarici İşlər naziri Mövlud Çavuşoğlunun “Twitter” səhifəsinə istinadla xəbər verir ki, bu barədə nazir şəbəkə oxucularını məlumatlandırıb.
Məlumatda qeyd olunur ki, İslam Əməkdaşlıq Təşkilatının Ermənistan Respublikasının Azərbaycan Respublikasına qarşı təcavüzü üzrə Kontakt Qrupunun iclasında Ermənistanın hüquqdankənar əməllərini bir daha qınadıq.