Bələdiyyə seçkiləri: Saat 17.00-a olan seçici fəallığı açıqlanıb
Saat 17.00-a olan məlumata görə, respublika üzrə 1 milyon 520 min 133 seçici səs verib. Respublika üzrə seçici fəallığı 30,57 faiz olub.
Naxçıvan Muxtar Respublikası Mərkəzi Seçki Komissiyasının mətbuat xidmətindən NUHÇIXAN-a verilən məlumata görə, Naxçıvan Muxtar Respublikasında isə seçici fəallığı 103 073 nəfər və ya ümumi seçicilərin 38%-i olub. Ölkə üzrə seçicilərin fəallığına görə 1 saylı Şərur-Sədərək seçki dairəsi birinci olub. Burada 38 min 621 seçicidən 15 min 792–si və ya 40,9 %-i səsvermədə iştirak edib.