Seçki bülletenlərinin DSK-lardan məntəqə seçki komissiyalarına verilməsi prosesi başa çatıb
Milli Məclisə seçkilərlə bağlı bülletenlərin dairə seçki komissiyalarından (DSK) məntəqə seçki komissiyalarına verilməsi prosesi başa çatıb.
NUHÇIXAN Secki-2020.az saytına istinadla xəbər verir ki, Seçki Məcəlləsinin 99.6-cı maddəsinə əsasən, DSK-lar səsvermə gününə azı üç gün qalanadək seçki bülletenlərini məntəqə seçki komissiyalarına verməlidir.
Fevralın 9-da Milli Məclisə keçiriləcək seçkilərlə bağlı bu müddət fevralın 6-dək olan dövrü əhatə edir.
Qeyd edək ki, Mərkəzi Seçki Komissiyasından seçki bülletenlərinin DSK-lara verilməsi prosesi fevralın 3-də başa çatıb.