France 24: Korrupsiya Ermənistanda ətraf mühitə ziyan vurdu
"France 24" teleşirkəti "Korrupsiya Ermənistanda ətraf mühitə necə ziyan vurub" adlı ölkədə dağ-mədən sənayesinin zərəri haqqında süjet təqdim edib.
NUHÇIXAN-ın erməni KİV-lərinə istinadən verdiyi məlumata əsasən, reportajda Ermənistanda son etirazların korrupsiyaya görə baş verdiyi və bu sahəyə də (red. - dağ-mədən sahəsi) təsirsiz ötüşmədiyi qeyd olunur
Bildirilir ki, yerli sakinlər təbiətə böyük ziyan vuran mis-molibden yatağında aparılan işlərə görə çay suyunu onun zəhərli olduğu üçün istifadə edə bilmirlər.
Ölkənin Noyemberyan rayonunda isə əhali iqtisadiyyatın dağ-mədən sənayesi deyil, turizm hesabına inkişaf etdirmək mümkün olduğunu bildirirlər. Onlar fəal ekoloqlarla şəhər yaxınlığında işə başlamaq niyyətində olan şirkətə qarşı mübarizə aparırlar.