Azərbaycan Ordusu Ermənistanla Dağlıq Qarabağ ərazisini birləşdirən yolları nəzarətə götürüb - Rəsmi
Azərbaycan Müdafiə Nazirliyi bəyanat yayıb.
NUHÇIXAN İnformasiya Agentliyinin məlumatına görə, bəyanatda deyilir:
"Azərbaycan Ordusunun 2016-cı və 2018-ci illərdə həyata keçirdiyi uğurlu döyüş əməliyyatları nəticəsində Ermənistanla Dağlıq Qarabağ ərazisini birləşdirən yollar tərəfimizdən nəzarətə götürülüb.
Strateji cəhətdən əlverişli vəziyyətimiz düşməni xeyli vəsait xərcləyərək yeni yollar çəkməyə məcbur edir. Azərbaycan Ordusunun silahlanmasında olan atəş vasitələri düşmənin bütün əməliyyat dərinliyindəki hərbi infrastrukturunu məhv etmək imkanına malikdir".