Polkovnik Vaqif Dərgahlı: Azərbaycan tankının vurulması ilə bağlı Ermənistan tərəfinin yaydığı məlumat dezinformasiyadır
Azərbaycan Müdafiə Nazirliyinin mətbuat xidmətinin rəisi polkovnik Vaqif Dərgahlı Ermənistan müdafiə nazirinin mətbuat katibi Şuşan Stepanyanın guya Ermənistan silahlı qüvvələri tərəfindən Azərbaycan tankının vurulduğu barədə yaydığı məlumatı təkzib edib.
NUHÇIXAN İnformasiya Agentliyi xəbər verir ki, Vaqif Dərgahlı jurnalistlərə açıqlamasında deyib: “Bu, dezinformasiyadır. Azərbaycan Ordusunun bütün tankları sıradadır. Azərbaycan Silahlı Qüvvələrinin zirehli texnikası ön xətdə deyil. Azərbaycan tankları isə düşmən bölmələrinin vura bilməyəcəyi ərazidədir”.