Vaqif Dərgahlı: PUA-larımız üçün bədbəxt erməni kəndlisindən daha vacib hədəflər var
Əlbəttə, Azərbaycan zəngin və özünü təmin edən bir dövlətdir, lakin öz maliyyə vəsaitini boş yerə xərcləməyəcək.
Bunu Azərbaycan Ordusuna məxsus pilotsuz döyüş uçuş aparatının zərbəsi nəticəsində Ermənistanın Tavuş vilayətinin Çinari kənd sakini Aramais Hovakimyanın yaralanması barədə Ermənistan Müdafiə Nazirliyinin nümayəndəsi Artsrun Hovhannisyanın yaydığı məlumatı NUHÇIXAN İnformasiya Agentliyinə şərh edən Azərbaycan Müdafiə Nazirliyinin mətbuat xidmətinin rəisi Vaqif Dərgahlı deyib.
“Birincisi, əvvəllər dediyim kimi, heç vaxt yaşayış məntəqələrini atəşə tutmuruq. İkincisi, bizim PUA-lar üçün bədbəxt erməni kəndlisindən daha vacib hədəflər var, məsələn, Ermənistan ordusunun mövqeləri. Biz də elə bunu edirik”, - deyə V.Dərgahlı bildirib.