Türkiyə Milli Müdafiə naziri və Baş Qərargah rəisi Azərbaycana gəlib
NUHÇIXAN İnformasiya Agentliyi Türkiyə Müdafiə Nazirliyinə istinadən xəbər verir ki, Türkiyə Respublikasının Milli Müdafiə naziri Hulusi Akar, Baş Qərargah rəisi ordu generalı Yaşar Güler, qoşun növü komandanları və digər yüksək rütbəli zabitlər Azərbaycana səfərə gəlib.
Bildirilib ki, qonaqları Bakıda Azərbaycan Respublikası Müdafiə naziri Zakir Həsənov və Müdafiə nazirinin müavini - Hərbi Hava Qüvvələrinin Komandanı Ramiz Tahirov qarşılayıb.
Qeyd edək ki, Türkiyənin geniş tərkibdə hərbi nümayəndə heyəti Azərbaycan-Türkiyə quru qoşunları və hərbi hava qüvvələrinin birgə döyüş atışlı taktiki və taktiki-uçuş təlimlərinin Yüksək Səviyyəli Müşahidəçi günü çərçivəsində təlimlərin birinci mərhələsinin son epizodunu izləyəcək.